ශ්‍රී ලාංකීය ජන මනස් තුළ රසඥතාවය පෝෂණය කිරීම සඳහා ස්වකීය දිවිය කැප කළ, කලා කුසලතාවයෙන් ශිල්ප ඥාණයෙන් කලා කෙත අස්වැද්දු බස්නාහිර පළාතේ විසිරි සිටින කලාකරුවන් ඇගයීමේ වැඩසටහනක් විශ්වාභිනන්දන කලාකරු උපහාර උළෙල නමින් වාර්ෂිකව සංස්කෘතික හා කලා කටයුතු අමාත්‍යාංශය මගින් ක්‍රියාත්මක කරනු ලැබේ.

2019 වර්ෂයේ නොවැම්බර් මස 5 වෙනි දින බණ්ඩාරනායක අනුස්මරණ සම්මන්ත්‍රණ ශාලා පරිශ්‍රයේ ලෝටස් ශාලාවේදි ප්‍රතීභාපූර්ණ කලාකරුවන් 125 දෙනෙකු විශ්වාභිනන්දන සම්මානයට පාත්‍ර කරන ලදී. ඇගයීම් සම්මානයක්, සන්නස් පත්‍රයක් සහ රුපියල් 10,000.00 ක මූල්‍ය ත්‍යාගයක් පිරිනැමීම තුලින් මෙම කලාකරුවන් ප්‍රබෝධමත් කරන ලදී. කලා ක්ෂේත්‍රය පෝෂණය කිරීමට එක් එක් කලාකරුවා දක්වන ලද දායකත්වය පිළිබඳ තොරතුරු ඔවුන්ගේ ඡායාරූපයක්ද සමඟ ඇතුලත් කර සඟරාවක් මුද්‍රනය කර බෙදා හරින ලදී.