බස්නාහිර පළාත් නිවේදක වැඩමුළුව හා තරඟාවලිය
දැනුමෙන් සුසැඳි සුභාෂිතය හසුරවන නිවේදකයන් බිහි කිරීම, නිවරදිව නිවේදන සම්ප්රදායන්ට අනුකූලව කටයුතු කරන නිවේදකයන් බිහි කිරීම, කලාව ක්රීඩාව, දේශපාලනය, ආර්ථිකය වැනි සියළු ක්ෂේත්ර පිළිබඳ මනා අවබෝධයකින් යුතුව ඒ පිළිබඳව ඇල්මක් ජනිත කරවීම මඟින් නිවරදි නිවේදකයෙකු බිහි කිරීම ප්රධාන අරමුණු කොට ගෙන මෙම වැඩසටහන ක්රියාත්මක වේ. මේ සඳහා බස්නාහිර පළාතේ ස්ථීර පදිංචිකරුවන්, පාසැල් ශිෂ්ය ශිෂ්යාවන් සහභාගි වන්නේය.
පාසැල් 06 ශ්රේණීය සිට 09 ශ්රේණීය දක්වා කණිෂ්ඨ අංශය, පාසැල් 10 ශ්රේණීය සිට 13 ශ්රේණීය දක්වා ජ්යෙෂ්ඨ අංශය හා වයස අවුරුදු 20 සිට 35 දක්වා විවෘත අංශය යන වයස් කාණ්ඩ ඔස්සේ 2019 වර්ෂයේදීදවැඩමුළුව හා තරඟාවලිය සාර්ථකව පවත්වන ලදි.
ප්රවීන විනිසුරු මඩුල්ලක් විසින් සෑම අංශයකම හොඳම ප්රවෘත්ති නිවේදකයා, හොඳම ප්රාසාංගික නිවේදකයා සහ සමස්ත තරඟාවලියේ ප්රථම, දෙවන හා තෙවන ස්ථාන තෝරා ගනු ලැබුවේය. හොඳම ප්රවෘත්ති නිවේදකයා, හොඳම ප්රාසාංගික නිවේදකයා හා ප්රථම ස්ථානය සඳහා සම්මානයක්, මුදල් ත්යාගයක් හා සහතික පත්රයක් පිරිනමන ලදි. එහිදි දෙවන ස්ථානය, තෙවන ස්ථානය හා කුසලතා ස්ථානය සඳහා මුදල් ත්යාග සහ සහතික පත්රයක් හිමිවූ අතර සහභාගීවන්නන් සඳහාද සහතික පත්රයක් ලබා දීම සිදු විය.